لافاو و چاوەڕوانی

بینراوە: (11.1K)

هەستیار ئیبراهیم سمایڵ

لە چەمچەماڵ تا هەولێر و بەغدا، نیشانەی دەسەڵاتی گەندەڵ و بێبەرنامەی ئەم وڵاتە نیشان دەدات : باران ڕووداوێکی سروشتیی و دەبێتە بوژاندنەوەی خاک بەڵام لە کوردستان جیاوازتر لەوە کارەساتی دەستکردیش دروست دەکات ، دەسەڵاتی بێ باک و خەمسارد وەکو هەمیشە هیچ پلان و ڕێگایەکی نیە بۆ کارەساتەکان و داهاتووی میلەت. بەجۆرێک لەبری ئەوەی هاوڵاتیانی خۆی دوور بخاتەوە لە کارەسات توشی کارەساتیان دەکات ، هاوڵاتیان هەرکە وەرزی باران دێت، دەڵێن: «لافاو هاتە ماڵەکەمەوە». بەڵام ڕاستی ئەمە دیوێکی دیکەیە ـ لافاو نەهاتە ماڵی هاوڵاتیانەوە، بەڵکو خەڵک هاتنە سەر ڕێگا و شارەڕێی باراناو.لە چەند ساڵەی ڕابردوودا، ئەم هەرێمە و ناوچەیە بەهۆی تێکچوونی پلاندانان، شکستی وەزارەتە تایبەتییەکان و دانانی بەرپرس نەشارەزا، کارەساتی گەورەیان خوڵقاندووە بەجۆرێک لە پێناو بەدەستهێنانی داهاتوو زوو دەوڵەمەندبونن ماستەر پلانی شار و ناوچەکانیان بە کۆمپانیا و هاوڵاتیان فرۆشتۆتەوە لەپێناو کێشانەوەی پارەدا ، دەرئەنجامیش ئەمەی لێدەکەوێتەوە کە لە چەمچەماڵ بینیمان . لە کاتێکە ئەم کابینەیە شکستخواردووە ئێکسپایەرەی مەسرور بارزانی کە لەسەرتاوە بانەگەشی بۆ دەکرد و دەیوت کابینەی ئاوەدانیە ڕاستی کرد ئەویش بە ڕاماڵین هاوڵاتیان و تێکدانی ژێرخانی ئابووری تاک بەجۆرێک لە سەردەمی مەسرور بارزانیدا زۆرترین کارەساتی ڕوویداوە ئەویش لە دەرئەنجامی گۆڕینی ڕێڕەوی ئاوی براناو دروستکردنی شار و شارۆچکە لەگەڵ ئەوەشدا داگیر کردنی موڵکی بازرگانی بە شێوەیەکی ئەنقەست لەلایەن بەرپرسانی هەردوو دەسەڵاتەوە ، لە کۆتایدا من دەڵێم ئەوەی ڕوو دەدات تاوانباری یەکەم و سەرەکی مەسرور بارزانییە چونکە هیچ بەڕێوبەرایەتیەک یان هۆبەی ڕووبەڕوونەوەی کارەساتی سروشتیی نیە لە حکومەتە ئێکسپایەرەکەیدا ، تاوەکو بە هانای هاوڵاتیانەوە بێت کاتێک توشی کارەسات دەبن .

ڕوونکردنەوە :

بۆچوونەکانی ئەم وتارە وەک هەڵوێستی فەرمی دامەزراوەی بنکۆڵ نییە و بە هیچ شێوەیەک پەیوەندى بە سیاسەت و پرەنسیپەکانیەوە نییە . تەواوی بەرپرسیارێتى یاسایی، ئەکادیمی و پیشەیی لەسەر نووسەرەکەیەتی.