بینراوە:
(906)
ژووری بازرگانی و پیشەسازی سلێمانی بڵاویكردەوە، هەڤاڵ ئەبوبەكر پارێزگاری سلێمانی و ئارام بابان ئەندامی ئەنجومەنی كارگێڕی ژوری بازرگانی سلێمانی و شاندێك گەیشتونەتە شاری ئییووی وڵاتی چین بۆ بەشداریكردن لەكۆبونەوەو واژۆكردنی پرۆتۆكۆڵی كاری هاوبەش و پێشانگای بەرهەمە خۆماڵیەكان. لەوبارەیەشەوە ئارام بابان رایگەیاندوە، سەردانەكە لەسەر بانگهێشتنامەی فەرمی كۆماری میللیی چین بوە بەمەبەستی كۆبونەوە لەگەڵ مایەری شاری ئییوو كە پایتەختی ئابوریی و پیشەسازیی و بازرگانیی جیهانە بۆ بزنس و بەرهەم و كاڵا بچوكەكان، هەروەها بەشداری دەكەن لە رێوڕەسمی واژۆكردنی یاداشتنامەی لێكگەیشتنی پەیوەندیی دۆستایەتی هاوتایی (شارەكان) لەنێوان شاری سلێمانی و شارەوانیی ئییوو.
Leave a Reply