ڕێکخراوی داکۆک، وەک ناوەندێکی داکۆکیکار لە مافەکانی مرۆڤ و پرسی کورد لە تاراوگە، کەمپەینێکی گەورەی ناڕەزایەتی لە شارەکانی لەندەن و مانچستەر ڕێکخست لە پێناو پاراستنی سەقامگیریی ڕۆژهەڵاتی ناوەڕاست.
ئەم گردبوونەوەیە بە مەبەستی ڕسواکردن و ئیدانەکردنی ئەو پێشێلکارییانە بوو کە هێزەکانی حەشدی شەعبی ڕۆژانە لە عێراقدا ئەنجامی دەدەن. وتەبێژی فەرمیی ڕێکخراوەکە لە وتارێکدا بۆ ئامادەبووان ڕایگەیاند کە چالاکییە سەربازییەکانی حەشدی شەعبی و گوێڕایەڵینەکردنیان بۆ فەرماندەیی گشتیی هێزە چەکدارەکانی عێراق، شکۆ و سەروەریی دەوڵەتی خستووەتە ژێر پرسیارەوە.
ڕووماڵى چالاکیەکە
بابەتێکی زۆر هەستیار کە لە خۆپیشاندانەکەدا جەختی لێ کرایەوە، ئەو ڕۆڵە تێکدەرانەیە بوو کە میلیشیاکان دەیگێڕن لە دروستکردنی گرژی لە نێوان واشنتن و تاران. ئامادەبووان هۆشداریی ئەوەیان دا کە بەردەوامبوونی ئەم گرژییانە، عێراق دەکاتە گۆڕەپانی سەرەکیی یەکلاکردنەوەی حیساباتە نێودەوڵەتییەکان، کە ئەمەش بە مانای وێرانبوونی تەواوەتیی ژێرخانی وڵات و ئاوارەبوونی ملیۆنان کەس دێت.
لێدوانى بەشداربوان
ڕێکخراوی داکۆک لە کۆتایی بەیاننامەکەیدا پەیامێکی ئاراستەی وڵاتان کرد، کە پێویستە بەپەلە بڕیاری یەکلاکەرەوە بدەن بۆ چەککردنی ئەو گروپانە. هەروەها جەخت لەوە کرایەوە کە تەنها بە بونیادنانی سوپایەکی نیشتیمانیی یەکگرتوو و دوورخستنەوەی دەستی دەرەکی، دەتوانرێت ئاسایش و ئارامی بۆ هاوڵاتیانی عێراق دەستەبەر بکرێت
Leave a Reply