بینراوە:
(1.2K)
فەرماندەیی ئۆپراسیۆنە هاوبەشەكانی عیراق بڵاویكردەوە، گروپی كەتائیبی ئیمام عەلی، چەك و داتای چەكدارانیان، هەروەها ئۆتۆمبێلە سەربازییەكانیان رادەستی لیژنەی تایبەت بە هەڵوەشاندنەوەی گروپە چەكدارەكان و تێكەڵكردنیان بە هێزە ئەمنییەكان كرد. فەرماندەیی ئۆپراسیۆنە هاوبەشەكانی عیراق لە راگەیانراوێكدا ئاماژەی بەوەداوە، فەریق قەیس محەمەداوی سەرپەرشتی پڕۆسەی وەرگرتنی دۆسیەو داتاكانی پەیوەندیدار بە چەكداران و كەلوپەلە سەربازییەكانیانی كردوە، هەوڵەكان بەردەوامن بۆ تەواوكردنی قۆناغەكانی تێكەڵكردن و دوبارە رێكخستنەوەی گروپە چەكدارەكان لەناو دامەزراوە ئەمنییەكاندا. جێی ئاماژەیە، پێشتر حكومەتی عیراق لیژنەیەكی تایبەتی بە ناوی لیژنەی هەڵوەشاندنەوەی گروپە چەكدارەكانی سەربە حەشدی شەعبی و تێكەڵكردنیان بە هێزە ئەمنییەكان پێكهێنا.
Leave a Reply