بینراوە:
(1.7K)
عەباس بەهدەلی وتەبێژی وەزارەتی ناوخۆی عیراق رایگەیاند: 22 تۆڕی نێودەوڵەتی قاچاخچێتی كۆچبەرانیان هەڵوەشاندوەتەوە كە بوەتەهۆی گیانلەدەستدانی 91 كەس، هەروەها 12 تۆڕی قاچاخچێتی و خراپ بەكارهێنانی منداڵان و دەیان تۆمەتباریان دەستگیركردوە. وتەبێژی وەزارەتی ناوخۆی عیراق باسیلەوەشكرد، بەردەوامن لەجێبەجێكردنی هەڵمەتەكان بۆ بەرەنگاربونەوەی تاوانە رێكخراوەكان، ئەوەش بەهاوكاری دەزگا ئەمنی و دادوەرییەكان و رێكخراوە نێودەوڵەتییەكانی مافی مرۆڤە بەمەبەستی بەرەنگاربونەوەی تۆڕەكانی بازرگانی بە مرۆڤ لەناوخۆ و دەرەوەی وڵات.
