بینراوە:
(1.1K)
بەمەبەستی هەناردەكردنی نەوت بۆ بازاڕەكانی ئەوروپا، كۆمپانیای بەبازاڕكردنی نەوتی عیراق (سۆمۆ) رەوانەكردنی یەكەم باری نەوتی لە بەندەری بانیاس بەكەشتی راگەیاند. عەلی نزار بەڕێوەبەری گشتی كۆمپانیاكە لە لێدوانێكی رۆژنامەوانیدا وتی: یەكەمین باری نەوتی رەشی عیراق باری كەشتی كرا كە پێشتر لە پاڵاوگەی بانیاس لە سوریا بەتاڵ كرابو، نەوتەكە لە دەریای ناوەڕاستەوە خرایە سەر كەشتییەكە بۆئەوەی بگاتە دەستی بەكاربەران و پاڵاوگەكانی ئەوروپا. ئاماژەی بەوەشكرد، ئەم هەنگاوە زۆر گرنگە بۆ كردنەوەی رێگەیەكی نوێی بەبازاڕكردن كە دەكرێت لە داهاتودا سودی لێ ببینرێت، هەروەها بۆ كاتی ئێستاش لەم قەیرانەدا جێگەی بایەخە.
