بینراوە:
(2)
بەچاودێری سەرۆكی حكومەتی هەرێمی كوردستان و بە دروشمی (داهاتووی تەندروستی ببینە)، كۆنفرانس و پێشانگای نێودەوڵەتیی تەندروستی مێدیكۆ لە پێشانگای نێودەوڵەتیی هەولێر كرایەوە. بەگوێرەی راگەیەنراوێك، پیشەنگاكە بە ئامادەبونی سامان بەرزنجی وەزیری تەندورستی و هێمن قادر جێگری پارێزگاری هەولێرو ژمارەیەك لە بەرپرسان كرایەوە كە تیایدا وەك یەكەمین و گەورەترین پێشانگای نێودەوڵەتی تەندروستی لە عیراق و هەرێمی كوردستان بەئامانجی ناساندنی نوێترین تەكنەلۆژیا، داهێنان و كەرەستە پزیشكییەكان و پەرەپێدانی كەرتی تەندروستی بەڕێوەدەچێت. ئاماژەشكراوە، لە پیشەنگاكەدا زیاتر لە 150 كۆمپانیای ناوخۆیی و نێودەوڵەتی لە 10 وڵاتی جیهانەوە بەشداریانكرووەو نوێترین بەرهەم و تەكنەلۆژیاكانی بواری تەندروستی و پزیشكییان نماییشكردوە .
Leave a Reply