نزیکەی 4.5 ملیۆن هاوڵاتی کارەبای 24 کاتژمێرییان بۆ دابینکراوە لە پڕۆژەی ڕووناکی

بینراوە: (1.1K)

حکومەتى هەرێمی کوکردستان رایگەیاند، هەرێمی کوردستان – وەزارەتی کارەبای حکومەتی هەرێمی کوردستان ئەمڕۆ خۆشحاڵە بە ڕاگەیاندنی گەیشتنی کارەبای 24 کاتژمێری بۆ نزیکەی 4.5 ملیۆن هاوڵاتی، کە دەکاتە نزیکەی لە 70%ـی دانیشتووانی هەرێمی کوردستان لە چوارچێوەی پڕۆژەی ڕووناکی. ئاماژەی بەوەشکردوە، لەچوارچێوەی ئەم هەنگاوەش سەنتەری هەردوو شاری سۆران و زاخۆ کارەبای 24 کاتژمێرییان بۆ دابین دەکرێت لەڕێگەی پڕۆژەی ڕووناکی و ئامادەکارییەکان دەستییان پێکردووە بۆ دابینکردنی کارەبای بەردەوام لە ئیدارەی ڕاپەڕین. جێگای باسە مانگی ڕابردوو هەڵەبجە بووە یەکەمین پارێزگا لەسەر ئاستی عێڕاق و هەرێمی کوردستان کە کارەبای 24 کاتژمێری هەبێت لەڕێگەی پڕۆژەی ڕووناکی خشتەی یەک: دوایین ئاماری هاوڵاتی و هاوبەشانی نێو پڕۆژەی ڕووناکی کوردستان: ژمارەی هاوڵاتی: 4,292,000 ژمارەی هاوبەش: 1,131,000 هەولێر: ژمارەی هاوڵاتی: 1,935,000 ژمارەی هاوبەش: 504,000 سلێمانی: ژمارەی هاوڵاتی: 1,345,000 ژمارەی هاوبەش: 351,000 دهۆک: ژمارەی هاوڵاتی: 495,000 ژمارەی هاوبەش: 38,000 هەڵەبجە: ژمارەی هاوڵاتی: 135,000 ژمارەی هاوبەش: 38,000 سۆران: ژمارەی هاوڵاتی: 144,000 ژمارەی هاوبەش: 39,000 زاخۆ: ژمارەی هاوڵاتی: 238,000 ژمارەی هاوبەش: 65,000 هەروەها، نزیکەی 3,700 مۆلیدەی گازوایل لە گەڕەکەکان کوژێنراونەتەوە کە دەکاتە زیاتر لە 50٪ی کۆی گشتی مۆلیدەکانی کوردستان، و تا کۆتایی ساڵی 2026یش، حکومەتی هەرێمی کوردستان لە پلانیدایە زیاتر لە 7,000 مۆلیدە بکوژێنێتەوە. خشتەی دوو: کۆی گشتی ژمارەی ئەو مۆلیدانەی کوژێنراونەتەوە لە پڕۆژەی ڕووناکی کوردستان: ژمارەی مۆلیدەی کوژێنراوە: 3,689 کەمکردنەوەی دەردانی دووانە ئۆکسیدی کاربۆن – ساڵانە: 690,000 هەولێر: ژمارەی مۆلیدەی کوژێنراوە: 2,197 کەمکردنەوەی دەردانی دووانە ئۆکسیدی کاربۆن – ساڵانە: 410,000 سلێمانی: ژمارەی مۆلیدەی کوژێنراوە: 604 کەمکردنەوەی دەردانی دووانە ئۆکسیدی کاربۆن – ساڵانە: 112,000 دهۆک: ژمارەی مۆلیدەی کوژێنراوە: 379 کەمکردنەوەی دەردانی دووانە ئۆکسیدی کاربۆن – ساڵانە: 70,000 هەڵەبجە: ژمارەی مۆلیدەی کوژێنراوە: 65 کەمکردنەوەی دەردانی دووانە ئۆکسیدی کاربۆن – ساڵانە: 15,000 سۆران: ژمارەی مۆلیدەی کوژێنراوە: 127 کەمکردنەوەی دەردانی دووانە ئۆکسیدی کاربۆن – ساڵانە: 23,000 زاخۆ: ژمارەی مۆلیدەی کوژێنراوە: 317 کەمکردنەوەی دەردانی دووانە ئۆکسیدی کاربۆن – ساڵانە: 60,000 حکومەتی هەرێمی کوردستان پێشووتر ڕایگەیاندبوو کە هاوڵاتییان کەمترین پارەی کارەبایان دابوو لە پسوولەکانی مانگی هەشت. ئەمەش دەگەڕێتەوە بۆ نرخە نوێیەکان کەوا بۆ پاراستنی خێزانە کەمدەرامەتەکان و هاندانی هاوڵاتییان بۆ بەکارهێنانی بەرپرسیارانەی کارەباوە دانراون. لەژێر نرخە نوێیەکاندا، 80%ـی هاوڵاتییان پارەیەکی کەمتر دەدەن بە کارەبا بە بەراورد بەو پارەیەی دەیاندا بە هەردوو کارەبای نیشتمانی و کارەبای مۆلیدە گازوایلەکان. مانگی تشرینی دووەمی ساڵی 2024، مەسرور بارزانی، سەرۆکی حکومەتی هەرێمی کوردستان، پڕۆژەی ڕووناکی ڕاگەیاند بە مەبەستی گەیاندنی کارەبای 24 کاتژمێری بۆ سەرجەم ماڵ و شوێنە بازرگانییەکان تاوەکو کۆتایی ساڵی 2026. لە ئایاریش، ئەنجومەنی وەزیرانی حکومەتی هەرێمی کوردستان بەکۆی دەنگ بڕیاری پەسەندکردنی پڕۆژەکەی دەرکرد. …………….