بینراوە:
(1.5K)
بەگوێرەی ئەو زانیاریانەی لە سەرچاوەیەكی وەزارەتی دارایی و ئابوریی حكومەتی هەرێمی كوردستانەوە بڵاوكراوەتەوە، رۆژی سێشەممە 19/5 لیستی موچەی مانگی پێنج و راپۆرتی تەراوزی پێداچونەوە ئامادەكراوەو رۆژی چوارشەممە لە بەغدا رادەستی وەزارەتی دارایی عیراقی فیدڕاڵ كراوە. سەرچاوەكە باسی لەوەشكردوە، بڕیارە رۆژی پێنجشەممە شاندێكی تەكنیكی وەزارەتی دارایی و ئابوریی حكومەتی هەرێم سەردانی بەغدا بكات. بەگوێرەی زانیارییەكانی كوردستان24یش راپۆرتی رادەستكردنی نەوت بە كۆمپانیای سۆمۆ لەم چەند رۆژەدا دەنێردرێت بۆ وەزارەتی دارایی عیراق و پڕۆسەی كۆكردنەوەی داهاتی نانەوتیش بەردەوام دەبێت، بەڵام رەنگە دابەشكردنی موچە پێش هاتنی جەژنی قوربان نەبێت بەڵكو بكەوێتە دوای جەژن.
Leave a Reply