بهڕێوهبهرایهتی بهرگری شارستانی كۆیه دەڵێت، دوای ١٢ رۆژ تهرمی منداڵێك دۆزرایهوه كه پێشتر لهگهڵ باوكی و براکەی كهوتنه ناو زێی بچوكەوە و خنكان.
بهڕێوهبهرایهتی بهرگری شارستانی كۆیه بڵاویكردهوه، دوای ١٢ رۆژ له گهڕان بهدوای تهرمی ئهو منداڵهی كه له زێی بچوک خنكا، توانرا لهلایهن تیمی مهلهوانان و خۆبهخشانهوه له سنووری گوندی بۆگد له ناحیهی ئاشتی بدۆزرێتهوه.
ئەمەش لەکاتێکدایە، لە ٢١ی حوزەیرانی ٢٠٢٥، کاتژمێر ٧ و نیوی ئێوارە، خێزانێک کە بەمەبەستی گەشتوسەیران روویان لەو ناوچەیە کردبوو، له زێی بچوك له سنوری گوندی بۆگد، کەوتنە ناو رووبارەکەوە و خنکان.
خێزانەکە مامۆستایەکی زانكۆ و دوو كوڕهكهی بوون، دهستبهجێ دوای گهیشتنی تیمهكان توانرا تهرمی یهكێك له منداڵەکان بدۆزرێتهوه و دوای ٢٤ كاتژمێریش له رووداوهكه، تیمهكان توانیان تهرمی باوکەکە بدۆزنهوه.
تەرمی منداڵێک دۆزرایەوە
بینراوە:
(5.3K)
Leave a Reply