نورجیهان عەلی بەڕێوەبەری نەخۆشخانەی رزگاری لە هەولێر لەكۆنگرەیەكی رۆژنامەوانیدا رایگەیاند، هەنگاوی جدی و كردەیی نراوە بۆ نۆژەنكردنەوەی نەخۆشخانەی رزگاری كە ئامانجیانە ژینگەیەكی نایاب و پێداویستیی گونجاو بخەنە بەردەستی پزیشك و ستافی تەندروستیی نەخۆشخانە بۆ باشتركردنی خزمەتگوزارییەكان. وتیشی: هەفتانە زیاتر لە 13 هەزار نەخۆش سەردانی نەخۆشخانەكە دەكەن كە ئەمە دەكاتە نزیكەی زیاتر لە 2000 نەخۆشی رۆژانە، هەروەها داوا لەهاونیشتمانیان دەكەن هاوكاری ستافی تەندروستی و پزیشكانی نەخۆشخانەكە بن لە مامەڵەكردن لەگەڵیانداو ژینگەی نێو نەخۆشخانە بپارێزن و هەر نەخۆشێك تەنها یەك هاوەڵی لەگەڵدا بێت. پێشتر سیستمی بەئەلكترۆنیكردنی زانیاری و كارە كارگێڕییەكان لەگەڵ زانیاریی نەخۆش و كەلوپەلەكانی نێو نەخۆشخانە راگەیەنراو بڕیارە لەماوەی 10 رۆژی داهاتودا سەرجەم بەشەكان ببنە ئەلكترۆنی.
بەڕێوەبەری نەخۆشخانەی رزگاری: داوا دەكەین هاوكاری ستافی نەخۆشخانەو پزیشكان بكرێت
بینراوە:
(524)
Leave a Reply