بینراوە:
(15)
دۆناڵد ترەمپ سەرۆكی ئەمریكا بە ئاژانسی رۆیتەرزی راگەیاند، بڕیارە ئەمڕۆ لەگەڵ بنیامین ناتانیاهۆ سەرۆك وەزیرانی ئیسرائیل لە كۆشكی سپی كۆببێتەوە، وەڵامی ئەرێنیشی سەبارەت بە پێشنیازەكەی بۆ كۆتاییهێنان بە جەنگی غەززە وەرگرتووە و گەشبینە بەوەی ناتانیاهۆ بەو پێشنیازە رازی بكات. هاوكات، پێگەی ئەكسیۆس لە زاری لێپرسراوێكی باڵای ئەمریكاوە بڵاویكردووەتەوە، ئەمریكا و ئیسرائیل زۆر نزیكن لە گەیشتن بە رێككەوتن، ئەوەش دوای دانوستانەكانی نێوان (ستیڤ ویتكوف) نێردەی تایبەتی ئەمریكا و بنیامین ناتانیاهۆ سەرۆك وەزیرانی ئیسرائیل دێت. هەروەها خودی ناتانیاهۆش رایگەیاندوە، وڵاتەكەی تاوتوێی دابینكردنی رێڕەوێكی ئارام دەكات بۆ دەرچوونی سەركردەكانی حەماس لە كەرتی غەززە، بەڵام بەپێی ئەو مەرجانەی دیاریكراون.
Leave a Reply