پزیشکێکی نەخۆشییەکانی خانمان و منداڵبوون لە چەمچەماڵ ئاشكرای دەکات، ژمارەی نەشتەرگەرییەکانی منداڵبوون لەو سنوورە زیاد بووە، هۆکارە سەرەکییەکەش ئەوەیە کە پێشووتر منداڵی یەکەم و دووەمی خانمەکان بە نەشتەرگەری بوون و هی سێیەمیان دەبێت 100٪ بە نەشتەرگەری لەدایکببێت.
بەپێی ئامارەکانی تەندروستیی چەمچەماڵ، مانگی رابردوو 140 منداڵ بە سرووشتی لەدایکبوون لەبەرامبەردا 145 نەشتەرگەریی خانمان و منداڵبوون کراون. ئەمڕۆ پێنجشەممە 3-7-2025 پزیشکێکی پسپۆڕی نەخۆشخانەی شەهید هۆشەنگ ئازاد بە رووداوی راگەیاند، بەشێکی زۆری خانمان منداڵی یەکەم و دووەمیان لە نەخۆشخانەی تایبەتی بووە و ئێستا دێنە حکومییەکان بۆ ئەوەی نەشتەرگەریی منداڵی سێیەمیان بە خۆڕایی بۆ بکرێت.
ئەو پزیشکە ئەوەشی باسکرد، خانمان لە بازیان، کەرکووک و ناوچەکانی دەوروبەری چەمچەماڵەوە دێن بۆ نەشتەرگەریی منداڵبوون.
ئەو منداڵانەی بە نەشتەرگەری لەدایکدەبن، ناکامن واتا پێش ماوەی لەدایکبوونیان دەردەهێندرێن، کە زۆرجار بە خواستی دایک و باوکەکە خۆیان رێکەوتێک هەڵدەبژێرن بۆ لەدایکبوونی منداڵەکەیان. بەڵام ئەو منداڵەی پێش 9 مانگەکە لەدایک ببێت، بە منداڵی ناکام هەژمار دەکرێت.
بەپێی ئەکادیمیای ئەمریکیی منداڵان، لێکەوتەکانی لەدایکبوونی پێشوەختە ئەمانە؛
ناڕێکیی فەرمانەکانی مێشك
هەوکردن
هەناسەتەنگی
تووشبوون بە جەڵتە
ئیفلیجیی مێشک
نەخۆشییەکانی دڵ و لوولەکانی خوێن
ناڕێکیی گەشە
لاوازیی بەرگریی جەستە
تووشبوون بە نەخۆشییە درێژخایێنەکان
پزیشکێکی خانمان لە چەمچەماڵ: خواست لەسەر نەشتەرگەریی منداڵبوون زیاد بووە
بینراوە:
(8.6K)
Leave a Reply