بینراوە:
(1.6K)
قۆناغی سێیەمی دابەشكردنی زەوی بەسەر زیاتر لە 7 هەزارو 500 فەرمانبەری شاری هەولێر راگەیەنراو ساسان عەونی وەزیری شارەوانی و گەشتوگوزار لەلێدوانێكدا وتی: لە هەمو قۆناغەكاندا بە دڵسۆزانە كار لەسەر پرۆسەی دابەشكردنی زەوی كراوەو ئەنجامی زۆر باشی هەبوە، ژمارەی پارچە زەوییەكان نزیكەی 14 هەزارە، بەڵام بەشێكی بۆ قەرەبوی خاوەنی زەوی و جوتیارەكان دانراوە. وەزیری شارەوانی و گەشتوگوزار وتیشی، فەرمانبەرانی پێكهاتەكان و عەنكاوە كە خاوەن تایبەتمەندیین لەشوێنێكی دیار زەوییان پێدەدرێت بۆیە یەك هەزار و 279 فەرمانبەری عەنكاوە لەشوێنێكی تایبەت لەگەڵ فەرمانبەرانی هەولێر زەویان بەسەردا دابەشدەكرێت، هەروەها بۆ پاراستنی تایبەتمەندی پێكهاتەی عەنكاوەش نەخشەیەكی تایبەتیان لەشوێنێكی تایبەت بەخۆیان بۆ دروستكراوەو تیروپشكیان بۆ دەكرێت.
Leave a Reply