بینراوە:
(892)
بەمەبەستی ئامادەكاری بۆ پرۆسەی حەجی ساڵی 2027 و هاوكاری و هەماهەنگی لەگەڵ دەستەی باڵای حەج و عومرەی عیراق شاندێكی وەزارەتی ئەوقاف بە سەرۆكایەتی وریا مەولاناخالد بەڕێوەبەری گشتی حەج و عومرە بە وەكالەت سەردانی دەستەی باڵای حەج و عومرەی عیراقیان كرد. بەگوێرەی راگەیەنراوێك، لەكۆبونەوەیەكدا سەرۆكی دەستەی باڵای حەج و عومرەی عیراق تیشكی خستوەتەسەر ئامادەكارییەكان بۆ پرۆسەی حەجی ساڵی 2027 و باشتركردنی خزمەتگوزارییەكان و زیاتر خزمەتكردنی حاجیان تاوەكو بتوانن پێكەوە لەگەڵ بەڕێوەبەرایەتی گشتی حەج و عومرە بەباشترین شێوە خزمەتی حاجیان بكەن لە وەرزی حەجدا. لای خۆشییەوە بەڕێوەبەری گشتی حەج و عومرە راو پێشنیازو تێبینییەكانی پرۆسەی حەجی ئەمساڵی 2026ی گەیاندە سەرۆكی دەستەو هیوای خواستوە ئەو هاوكاری و هەماهەنگییەی نێوان هەردولا بەردەوام بێت.
Leave a Reply