بینراوە:
(956)
وەزارەتی خوێندنی باڵاو توێژینەوەی زانستی هەرێمی كوردستان بڵاویكردەوە، لەمساڵەوە وانەی كوردی و عەرەبی ئەژمار دەكرێت و بڕیاری ئارەزومەندانەی ئەژماركردنی نمرەی وانەكانی كوردی و عەرەبی هەڵوەشاوەتەوە. وەزارەتی خوێندنی باڵا راشیگەیاندوە، پاڵپشت بە نوێترین نوسراوی سەرۆكایەتی ئەنجومەنی وەزیران لە نوسراوێكی فەرمیدا بۆ وەزارەتی پەروەردە روونكراوەتەوە كە بڕیاری ئارەزومەندانەی ئەژماركردنی نمرەی وانەكانی كوردی و عەرەبی هەڵوەشاوەتەوەو نمرەی ئەم دوو وانەیە هاوشێوەی وانەكانی تر ئەژمار دەكرێن بۆ ئەو خوێندكارو قوتابیانەی لەساڵی خوێندنی (2025-2026) و ساڵانی دواتر لە پۆلی دوانزەی ئامادەیین، واتە لەمساڵەوە نمرەی خوێندكاران و قوتابیانی پۆلی دوانزە لەسەر بنەمای هەر حەوت وانەكە دەبێت.
Leave a Reply