جیاوازی لە نێوان شەقی کۆم و مایەسیری چییە؟

بینراوە: (5.9K)

جیاوازی نێوان درزی کۆم و مایەسیری دەتوانرێت بە نیشانەکان و پشکنینی کلینیکی جیا بکرێتەوە، دکتۆر سەردار ابراهیم فقێ محمد پسپۆری نەشتەرگەری گشتی جیاوازییەکان دەخاتە ڕوو بەم شێوەیە:

1- درزی کۆم بریتییە لە دڕان یان بڕینێکی بچووک لە ناوپۆشی کۆمدا، نیشانەکانی بریتین لە:
– ئازارێکی زۆر لە کاتی پیساییکردندا، کە لەوانەیە بۆ چەند خولەکێک یان چەند کاتژمێرێک بەردەوام بێت.
– بینینی خوێن لەسەر پیسایی یان کلێنسی تەوالێت.
– هەستکردن بە سووتانەوە لە کۆمدا.
– پیساییکردن دەبێتە حاڵەتێکی ترسناک بەهۆی ئازاری زۆرەوە.
– هۆکاری باوی درزی کۆم بریتییە لە قەبزی توند، پیسایی ڕەق یان دوای منداڵبوونی سروشتی.

2- مایەسیری بریتییە لە ئاوسانی خوێنبەرەکانی دەوروبەری کۆم یان ناو کۆم، نیشانەکانی بریتین لە:
– خوێنبەربوونی بێ ئازار لەگەڵ پیساییکردندا.
– بارستەیەک کە لە کۆمەوە دەردەچێت و هەستی پێدەکرێت لە مایەسیری دەرەکی یان پێشکەوتوودا.
– خوران یان ناڕەحەتی لە دەوروبەری کۆم.
– هۆکارەکانی مایەسیری بریتین لە گرژبوون و پەستان لە کاتی پیساییکردن، دووگیانی، دانیشتنی درێژخایەن، قەبزی درێژخایەن.